تداول رواد مواقع التواصل الاجتماعي خلال الساعات الماضية تدوينات لإحدى مستخدمي موقع التواصل الاجتماعي “انستجرام” وتدعى “ميرهان” وتعمل موديل للعديد من البراندات العالمية تتهم فيها 4 من اللاعبين بمنتخب مصر الذي يخوض منافسات بطولة كأس الأمم الإفريقية حاليا ، بالتحرش بها على حسابها الشخصي .
ونشرت “ميرهان” فيديو علي قصتها بحسابها على “انستجرام” قالت خلاله: “استنوا عليا شوية النهاردة بس افضى وانزلكم حاجة هتسليكم جدا وهتحزنكم وتقرفكم برضو جدا بس ده الواقع اللي لازم نفهمه " ، وتابعت : والله يا جماعة أول امبارح ده كان يوم حافل، أول ما نزلت "ستوري " جديدة فجأة الناس دي ظهرت عندي " ، ليظهر في الفيديو حسابات اللاعبين عمرو وردة وأيمن أشرف وأحمد حسن كوكا ومحمود حمدي الونش .
اقرأ أيضا :تعرف على مباريات كأس أمم إفريقيا اليوم الأحد 23-6-2019 والقنوات الناقلة
وتابعت : اللاعب عمرو وردة دخل لي على الخاص وكتب "بوكسينج ها ها ها " تعليقًا على البوست الخاص بي ، فيما علق اللاعب محمود حمدي الونش على البوست الخاص برسالة تحمل علامة الإعجاب يصحبها علامة قلب على الشات بينهما ، وواصلت : فجأة وراها على طول الرسايل بدأت ، وأنا أولا دايما برد على رسايلي خصوصا لو مصريين عشان محدش يقول واخدة في نفسها قلم ، بس إن المنتخب الوطني كله يظهر عندي في نفس الوقت دي غريبة جدا وأكيد مش صدفة ".
واستطردت ميرهان : لحد كده كان عادي مفيش مشكلة، لكن واحد من الأساتذة – في إشارة لعمرو وردة - يبعت يقولي أنا هعرف أجيب رقمك وانتى متعرفيش أنا مين وأنا محدش يطنشني دي بقى مش مظبوط ، وواصلت : للأسف عندنا في مصر لما بيحبوا حد في مصر لما بيحبوا حد بيطلعوه السما كأنه بطل، والواقع غير كده خالص، احنا في مصر لو انتى بنت يبقى الغلط عليكي تلقائي بس احنا هنا مش في مصر، يا ريت الأساتذة يركزوا عالبطولة اللي الراجل الغلبان عندنا في مصر بيستلف ثمن الشاي عشان ينزل يتفرج عليكوا ده ما يجيلوش غلطة، والأستاذ اللي بيقولي انتي مش عارفة أنا مين؟ لا معرفش.. بس عرفت بقى لما سألت وعرفت إن ليك سوابق في المواضيع دي والكل عارفها " ز
ودعت "ميرهان " متابعيها إلي الحذر من إبداء الإعجاب لصور المنتخب، قائلة: “يا جماعة خدوا بالكم قبل ما تتجرأوا وتعملوا لايك لصورة المنتخب، واضح إن اللعيبة سايبة البطولة وقاعدين عالانستجرام بيتفرجوا .. مجال مقرف فعلا " .. وعقب ذلك قامت بمسح الفيديو من علي حسابها الشخصي .
ليست هناك تعليقات: